Trúarbragðafræði

Í trúarbragðafræðistíma erum við búin að vera að vinna verkefni í tölvu. Við fórum fyrst á náms.is og áttum þá að finna trúarbragðavefinn, en við fundum hann með því að fara inn á námsefni, svo ýttum við á trúarbragðafræði og þá komu margir valkostir þannig að ég ýtti bara á vefir og þá kom hann (en svo er líka hægt að klikka bara á unglingasíður og þá kemur hann strax ).

Þegar ég var komin inn á vefinn fór ég inn á gyðingar og svo á siði, þar er hægt að velja milli 8 siði en maður þurfti bara að velja 6. Ég valdi: hvíldardagurinn, fæðing barns, andlát og útför, bænir, matarvenjur og ungdómsvígsla. Ég las textann yfir einu sinni og skrifaði eins og ég man það. Þegar ég var búin með textana þurfti ég að finna myndir sem pössuðu við efnið. Það sem mér finnst gott um þetta verkefni er hvað það heppnaðist vel og að ég var ekki svakalega lengi með þetta verkefni. Ég lærði ýmislegt frá þessu verkefni t.d. að aðal bænin í hverri guðþjónustu er Shemoneh esreh, að í ungdómssýslunni verða stelpur að verða 12 en strákar 13 og margt fleira sem er í textanum, vonandi lærið þið líka eitthvað af verkefninu mínu.

Vonandi líkar ykkur það.  

Hér getið þið séð verkefnið mitt . 

 

Frjáls ritun - Súkkulaðieldfjallið

Þetta verkefni gerði ég í íslenskutíma í ritun. Þetta er það annað ritunarverk sem ég gef út og finnst mér þetta ritunarverk alveg frábært. Nafnið sem ég valdi á ritunarverkið er Súkkulaðieldfjallið og er Súkkulaðieldfjallið skáldsaga. Ég byrjaði eins og alltaf á skrifa uppkast á uppkastablöð, síðan les kennarinn yfir og svo pikka ég textann í tölvu. Ég var svakalega lengi að gera þessa sögu eða bók og vonandi er hún þess virði. Eftir langa stund að pikka textann í tölvu var ég loksins búin og þurfti þá að gera forsíðu og baksíðu. Forsíðan lýsir hvernig bókin er en baksíðan er um bókina og höfundinn sem er ég. Mér finnst þessi bók á að vera mjög fyndin og skemmtileg og vonandi finnst ykkur það líka.  

Hérna getið þið lesið verkefnið mitt, njótið vel  

Frásögn - Þegar ég hitti Stellu fyrst

Þetta verkefni gerði ég í ritun í íslensku tíma. Þessi frásögn er um hvernig ég hitti eina af bestu vinkonum mínum, hana Stellu Karenu. Þegar ég var heima hjá mér var ég að fletta í nokkur albúm og sá þá mig og Stellu pinku litlar og fékk þá hugmyndina að skrifa um Þegar ég hitti Stellu fyrst. Ég byrjaði fyrst að skrifa á uppkastablöð en síðan pikkaði ég textann í tölvu, en áður en það er gert les kennarinn yfir textann og svo breytum við honum ef þess þarf. Ég þurfti líka að búa til forsíðu og baksíðu en það var þegar ég var búinn að slá textann inn í tölvuna. Þá þurfti ég að velja A4 karton á báðar hliðarnar, ég valdi appelsínugulan á forsíðuna en gulan á baksíðuna. Eftir það þá teiknaði ég mynd. Ég var alveg stopp að ákveða hvað ég skyldi teikna en þá fattaði ég að ég og Stella hittumst á leikvellinum fyrir utan planið mitt, þannig að ég teiknaði planið mitt. Ég var óánægð hvað frásögnin er stutt en samt ánægð hvað allt gekk vel. Mér finnst þetta skemmtileg saga og ég vona að ykkur finnst það líka.

Hér er verkefnið mitt

Vestmannaeyjagosið 1973

Í Náttúrufræði höfum við verið að vinna í verkefni sem fjallar um Eldfjöll. Kennarinn okkar úthlutaði  okkur eldfjall sem við áttum að fjalla um og ég fékk Vestmannaeyjagosið. Mér fannst ég vera mjög heppin að fá eldgosið í Eyjum því að ég fæddist nefnilega í Vestmannaeyjum og bjó þar í eitt ár. Við byrjuðum öll að skoða heftið sem við fengum sem var um eldfjallið okkar en síðan skrifuðum við á uppkastar blöð. Eftir það pikkuðum við textann í tölvu, forritið sem við notuðum kallast Power Point. Í þessu verkefni lærði ég heilmikið um þetta gos eins og núna veit ég að gosið byrjaði um nóttina, að enginn dó í þessu stóra gosi og t.d. að gosið gerðist árið 1973. Ég er svakalega ánægð að skilja loksins eitthvað um gosið sem margir eru að tala um og ef þú veist ekkert hvað gerðist en langar að vita það þá myndi ég lesa þessar glærur því að ég lærði rosalega mikið af þeim og ég vona að þið gerið það líka

 

Hérna eru glærurnar mínar

Tímarit -Heilsa og heilbrigði (Nútíma lífstíll)

 Við í 6.bekk erum búin að vera að gera mjög spennandi heimaverkefni, við erum að gera tímarit um hollustu og heilbrigði. Tímaritið mitt heitir Nútíma lífstíll. Ég byrjaði með að skrifa allt heima í tölvunni í word en svo þegar ég var búin með það fórum ég og mamma í vinnunna hennar mömmu minnar (framkvændasýsla ríkisins) og færði þá verkefnið mitt í Publisher, með því að  senda verkefnið í emailið mitt og þegar í kom í vinnuna hennar mömmu opnaði ég verkefnið og færði tímaritið mitt inn á Publisher.Í þessu verkefni getið þið fræðst um t.d. um vatn, vöðvabólgu, útlitsdýrkun, hollt og gott nesti og margt fleira. Ég lærði mikið um hollan og góðan lífstíl sem mér finnst að allir eiga að fara eftir, þar á meðal ég. Þetta tímarit (Nútíma lífstíll) er mjög áhugalegt að mínu mati og ég vona að ykkur finnst það líka.

 

 Þetta er tímaritið mit

 

Rauði Krossinn

 Við í 6.bekk  höfum verið að vinna verkefni í trúarbragðafræði úr bókinni Hjálpfús. Verkefnið heitir Rauði krossinn. Við byrjuðum með því að fara í tölvurnar upp á bókasafni. Svo fórum við á síðu sem hét Gongumtilgods.is sem er Göngum til góðs.Við áttum að skrifa um nokkur lönd sem hafa erfitt og skrifa um hvað Rauði Krossinn gerir til þess að hjálpa í öllum þessum löndum. Mér fannst þetta skemmtilegt verkefni og væri til í að gera það aftur.

 

 Þetta er verkefnið 

Photo story - Myndband

 Í náttúrufræði höfum við verið að læra um hvali. Eftir nokkrar vikur áttum við svo að gera verkefni í tölvum. Við notuðum forrit sem kallast Photo story. Í verkefninu áttum við að velja okkur einn hval sem við erum búin að læra um, hvalirnir sem við máttum velja um voru mjaldur, háhyrningur, hnísa, búrhvalur steypireyður og náhvalur. Ég valdi mjald. Við byrjuðum verkefnið á því að ná í myndir á Google. Þegar við vorum komin með svona 15-20 myndir fórum við inn á Photo story. Þar settum við inn myndirnar. Þegar við vorum búin að skrifa textana og laga myndirnar settum við tónlist inn á. Þetta var mjög skemmtilegt verkefni en ég er ekki alveg viss hvort ég mundi gera þetta aftur því að þetta verkefni var dálítið erfitt og tók rosalega langan tíma.

 Hérna er myndbandið mitt

 

Hvalir (Stærðfræði)

Þetta verkefni ég gerði upp á bókasafni í skólanum og í stærðfræði tíma. 

 

 

 

Noregur

Í landafræði áttum við að búa til verkefni í Publisher. Ég byrjaði á verkefninu með því að velja mér land en ég valdi Noreg. Ég náði í blýant og blað, svo skrifaði ég með mínum eigin orðum upp eftir Norðurlandabókinni. Eftir það hreinskrifaði ég textann í Publisher. Ég lærði t.d. að Vigeland höggmyndagarðurinn er í Osló og líka Holmenkollen skíðapallurinn, það er líka mjög mikið af olíu í sjónum í kringum Noreg. Þetta var æðislega gaman og ég var mjög ánægð með þetta verkefni. 

 Hérna er verkefnið mitt

Danmörk

 

Í landafræði áttum við að velja okkur verkefni um Norðurlöndin og búa til glærur um löndin inn á Powerpoint. Ég valdi Danmörk því að ég á nokkrar frænkur og frændur sem eiga heima í Danmörk og ég væri alveg til í að monta mig aðeins því að núna kann ég svo mikið um Danmörk. Ég lærði t.d. að hæsti punktur yfir sjó er bara 173 m. á hæð,að Legófyrirtækið var stofnað 1932 af hinum danska Ole Kirk Christiansn og alveg margt, margt fleira sem ég nenni ekki alveg að nefna því að það er svo mikið. Ég vann verkefnið upp á bókasafni í skólanum. Þetta gekk mjög vel og ég væri alveg til í að gera þetta aftur.

 Hér getið þið séð glærurnar mínar